und no üper nöis... ;-)

      und no üper nöis... ;-)

      hallo zäme
      bi sit es paar wuche trennt vom papa vo mim sohn und merke, dass es rächt schwierig isch, am wucheändi lüt ds träffe. die meischte hei family time - dir kennet's ja sicher - u de füehl ig mi aube echli wie ds 5. rad am wage...
      mi sohn isch ersch 8 monet aut und ig kenne leider ou nid eso vieu mamis mit chline chnöpf, die meischte si scho rächt äuter.
      bi 36 und wohne i der stadt bärn mit em maël, 8 monet. mir sueche es paar nätti lüt zum abmache. bi sehr gärn dusse a dr aare, vor auem ir elfenau. aber houptsach dusse. langsam chunnt är ids auter, woner aues wott entdecke und er spieut vor auem sehr gärn mit andere chind.
      wär het luscht emau abdsmache? fröie mi uf öii antworte
      liebe gruess
      tanja & maël
      ps - sueche nid lüt, wo nume über ihri ex-beziehig und wieso die bachab isch gange, wei rede. sueche lüt wo füre luege und offe si für nöiis im läbe und das ou chöi gniesse...

      Hoi Tanja
      Ich chan dich guet vrstoh. Ich kenn au praktisch niemerts, aber es chunt so langsam. :) Min Sohn isch im Februar 2011 uf d Wält cho. Ich bin 34 Joor. Ich bin scho i dr Schwangerschaft elei gsi, daher kenni au gar nüt anders.
      Ich wohn i dr Region Basel, leider nid in dinere nöchi. Aber i freu mi immer wieder neui Lüt kenne zlerne.
      I gib dr emol mini E-Mail Adr: t.baeumi@bluewin.ch, i wär au FB. :)
      So jetzt wünsch i dr no e schöne Tag und hoff das du vieli tolli Lüt kenne lernsch.
      Grüssli Tanja und klei Jan :)

      hey i bi o siit dr ss aleini und i weis dases schwirig isch öper neus kenne ds lere.... i bi äbe ersch 20gi und ha vor 2 mönet mi junior becho. i säge geng weme zrug luegt hetme nid abgschlosse därum luegi füre und säge mr geng das schaffeni uf au fäu =) wede magsch schribe hätti dr mini mail addy zwerg91@hotmail.com. mäud di doch würd mi fröiä.



      grüessli daria & michi

      Hallo Tanja und Maël

      Di Bitrag isch scho es bizeli euter, aber i schribe dir iz glich eifach mau ;)
      i bi nid würklech eleierziehend, i ha z'Glück dass der Papa sech genau so wot um üsi chlyni Muus kümmere und teil ha am Lebe wie i -was o nid immer nur eifach isch ;) hahaha

      aber mir si getrennt und weni nid schaffe bini doch o es eleierziehends Mami (25gi) vore jetz guet 14 Monet aute Tochter wo sech sehr würd drüber fröjä chly offeni unkomplizierti Mamis vo Bern zfinge und vilech mau chönne zämä ga z spaziere, Spiuplatz, Sandele, Chosle, zvieri esse, Waud, Tier oder so...
      I mim Auter isch zangere: mi Fründeskreis het no keni zu däm sech de massiv verchlineret het ir Zyt vor Schwangerschaft und "Interessekonflikte". Usserdem chani scho o chly verstah dass mi Tagesablouf und Lebensinhaut momentan nid grad aune entspricht ;) umso schöner wers ebe chly glichgsinnti zkennä lehrä o für mini Tochter Leonie.

      wend luschd hesch mäld di doch eifach mau

      schöne erschdä Ouguschd

      Mya